By Nazmi Ushtarët italian kanë kryer sot patrullime operative përgjatë vijës kufitare administrative ndërmjet Kosovës dhe Serbisë.
Sipas njoftimit që ka lëshuar KFOR-i, kjo është bërë me qëllim të monitorimit të territorit dhe sigurimin e një kornize adekuate të sigurisë.
“Ushtarët italianë të Komandës Rajonale Perëndimore (RC-Ë) kryen patrullime operative përgjatë vijës kufitare administrative (ABL) ndërmjet Kosovës dhe Serbisë, me qëllim monitorimin e territorit dhe sigurimin e një kornize adekuate të sigurisë”, thuhet në njoftimin e KFOR-it.
Tutje thuhet se KFOR-i është gjithmonë i përkushtuar për të mbështetur paqen, bashkëpunimin dhe përparimin për të gjithë njerëzit që jetojnë në Kosovë.
“KFOR-i është gjithmonë i përkushtuar për të mbështetur paqen, bashkëpunimin dhe përparimin për të gjithë njerëzit që jetojnë në Kosovë, si mandat i tij i bazuar në Rezolutën 1244 të Këshillit të Kombeve të Bashkuara të vitit 1999, duke kontribuar në ruajtjen e një mjedisi të sigurt dhe të qetë për të gjitha komunitetet që jetojnë në Kosovë dhe lirinë e lëvizjes”, thuhet në njoftim.
