{"id":5715,"date":"2023-12-09T21:01:54","date_gmt":"2023-12-09T21:01:54","guid":{"rendered":"https:\/\/used82.com\/?p=5715"},"modified":"2023-12-09T21:01:54","modified_gmt":"2023-12-09T21:01:54","slug":"hidhen-dyshime-mbi-komisionin-qeveritar-qe-verifikon-personat-ne-karroce","status":"publish","type":"post","link":"https:\/\/used82.com\/?p=5715","title":{"rendered":"Hidhen dyshime mbi Komisionin qeveritar q\u00eb verifikon personat n\u00eb karroc\u00eb"},"content":{"rendered":"

N\u00eb kat\u00ebr vjet\u00ebt e shkuar vazhdimisht ka r\u00ebn\u00eb numri i p\u00ebrfituesve t\u00eb pensionit p\u00ebr personat parapalegjik\u00eb e tetraplegjik\u00eb. Por, nga marsi e deri n\u00eb tetor, ky num\u00ebr \u00ebsht\u00eb rritur p\u00ebr 450. Shkakun e rritjes nuk e kan\u00eb shpjeguar n\u00eb Ministrin\u00eb e Financave. N\u00eb shoqat\u00ebn \u201cHandikos\u201d thon\u00eb se kjo mund t\u00eb jet\u00eb nga vler\u00ebsimi m\u00eb objektiv, e n\u00eb Komisionin parlamentar p\u00ebr t\u00eb drejtat e njeriut hodh\u00ebn dyshime mbi vler\u00ebsimin<\/h2>\n
Prej 2020-s e deri n\u00eb mars t\u00eb k\u00ebtij viti ka sh\u00ebnuar ulje numri i qytetar\u00ebve q\u00eb kan\u00eb fituar statusin e personave paraplegjik\u00eb dhe tetraplegjik\u00eb e edhe t\u00eb drejt\u00ebn p\u00ebr kompensim. Por situata ka ndryshuar n\u00eb tet\u00eb muajt e fundit, kur k\u00ebt\u00eb status e kan\u00eb fituar edhe 450 qytetar\u00eb.<\/p>\n
<\/div>\n

N\u00eb Ministrin\u00eb e Financave nuk dhan\u00eb shpjegime se si ka ndodhur rritja.<\/p>\n

\n

\u201cT\u00eb dh\u00ebnat vazhdimisht nxirren nga databaza e pensioneve sikund\u00ebr edhe tani. P\u00ebr m\u00eb tep\u00ebr shih e-mailin e m\u00ebposht\u00ebm t\u00eb zyrtarit t\u00eb IT-s\u00eb\u201d, ka th\u00ebn\u00eb n\u00eb nj\u00eb p\u00ebrgjigje t\u00eb shkruar Skender Asllani, nga Departamenti i Pensioneve n\u00eb Ministrin\u00eb e Financave, Pun\u00ebs dhe Transfereve.<\/p>\n

<\/div>\n

Por edhe n\u00eb emailin q\u00eb iu prezantua KOH\u00cbS mungoi sqarimi.<\/p>\n

<\/div>\n

\u201cNumri i p\u00ebrfituesve n\u00eb mars dhe n\u00eb k\u00ebt\u00eb muaj \u00ebsht\u00eb ashtu si\u00e7 e kemi cekur. Arsyen pse \u00ebsht\u00eb rritur ky num\u00ebr, un\u00eb nuk e di. Raporti \u00ebsht\u00eb dh\u00ebn\u00eb sipas t\u00eb dh\u00ebnave n\u00eb databaz\u00eb\u201d, thuhet n\u00eb email.<\/p>\n

<\/div>\n

Aktualisht 2.953 qytetar\u00eb kan\u00eb statusin e personave paraplegjik\u00eb dhe tetraplegjik\u00eb me t\u00eb drejt\u00eb p\u00ebr kompensim.<\/p>\n

Por, deri sivjet, vazhdimisht \u00ebsht\u00eb ulur numri i personave n\u00eb kategorin\u00eb e par\u00eb, t\u00eb cil\u00ebve ligji ua njeh t\u00eb drejt\u00ebn e mb\u00ebshtetjes me 75 euro p\u00ebr barna dhe pagesa prej 150 eurosh p\u00ebr shoq\u00ebruesin.<\/p>\n

N\u00eb shoqat\u00ebn \u201cHandikos\u201d than\u00eb se rritja e numrit t\u00eb personave paraplegjik\u00eb dhe tetraplegjik\u00eb mund t\u00eb jet\u00eb rezultat i reflektimit n\u00eb vler\u00ebsim, nga ana e Komisionit mjek\u00ebsor t\u00eb Ministris\u00eb s\u00eb Financave, puna e t\u00eb cilit \u00ebsht\u00eb kritikuar prej koh\u00ebsh.<\/p>\n

\u201cNuk do ta kisha quajtur rritje, por ndoshta do ta kisha quajtur vler\u00ebsim me t\u00eb drejt\u00eb q\u00eb u b\u00ebhet personave paraplegjik\u00eb dhe tetraplegjik\u00eb dhe ndoshta kjo mund t\u00eb jet\u00eb edhe si shkak i presionit nga ana jon\u00eb, apo ndoshta edhe presion i vet\u00eb Ministris\u00eb dhe sekretarit ndaj komisioneve q\u00eb personat paraplegjik\u00eb dhe tetraplegjik\u00eb t\u00eb vler\u00ebsohen m\u00eb drejt\u201d, ka th\u00ebn\u00eb Afrim Maliqi, drejtor i shoqat\u00ebs \u201cHandikos\u201d.<\/p>\n

E kryetarja e Komisionit parlamentar p\u00ebr t\u00eb drejta t\u00eb njeriut, Duda Balje, ka shprehur dyshime n\u00eb pun\u00ebn e Komisionit t\u00eb Ministris\u00eb.<\/p>\n

\u201cKemi informata prej terrenit, prej komunave, se edhe personat t\u00eb cil\u00ebt nuk jan\u00eb me aft\u00ebsi t\u00eb kufizuara, jan\u00eb duke marr\u00eb k\u00ebto shtesa. Dometh\u00ebn\u00eb, padrejt\u00ebsi kudo, n\u00eb secil\u00ebn komun\u00eb\u201d, ka th\u00ebn\u00eb Balje. \u201cNe kemi k\u00ebrkuar ndryshim t\u00eb personave q\u00eb jan\u00eb brenda k\u00ebtij komisioni, sepse jan\u00eb m\u00eb shum\u00eb se 4-5 vjet dhe ne jemi duke shikuar \u00e7do dit\u00eb \u00e7ka jan\u00eb duke b\u00ebr\u00eb, por komisioni nuk e ka prekur asnj\u00eb person deri m\u00eb tash\u201d.<\/p>\n

KOHA ka raportuar p\u00ebr raste t\u00eb ndryshme t\u00eb vler\u00ebsimeve jo t\u00eb drejta nga Komisioni mjek\u00ebsor i Ministris\u00eb s\u00eb Financave dhe p\u00ebr mohimin e s\u00eb drejt\u00ebs p\u00ebr kujdestar personal p\u00ebr personat q\u00eb komisioni brenda QKUK-s\u00eb i ka kategorizuar n\u00eb grup t\u00eb par\u00eb.<\/p>\n