{"id":6057,"date":"2023-12-13T07:19:43","date_gmt":"2023-12-13T07:19:43","guid":{"rendered":"https:\/\/used82.com\/?p=6057"},"modified":"2023-12-13T07:19:43","modified_gmt":"2023-12-13T07:19:43","slug":"be-kosova-e-serbia-ti-zbatojne-obligimet-e-dala-nga-dialogu","status":"publish","type":"post","link":"https:\/\/used82.com\/?p=6057","title":{"rendered":"BE: Kosova e Serbia t\u2019i zbatojn\u00eb obligimet e dala nga dialogu"},"content":{"rendered":"

P\u00ebrkitazi me pjes\u00ebn e konkluzave kushtuar Kosov\u00ebs dhe Serbis\u00eb, t\u00eb miratuara gjat\u00eb takimit t\u00eb K\u00ebshillit t\u00eb \u00c7\u00ebshtjeve t\u00eb P\u00ebrgjithshme, \u00ebsht\u00eb shprehur pritja q\u00eb Kosova dhe Serbia ta \u00e7ojn\u00eb nj\u00eb zgjidhje t\u00eb q\u00ebndrueshme p\u00ebr situat\u00ebn n\u00eb veri t\u00eb Kosov\u00ebs, e cila do t\u00eb garantonte siguri dhe demokraci p\u00ebrfaq\u00ebsuese p\u00ebr t\u00eb gjith\u00eb qytetar\u00ebt. E p\u00ebr sa u p\u00ebrket masave, t\u00eb cilat Komisioni Evropian ia ka vendosur Kosov\u00ebs q\u00eb n\u00eb ver\u00eb t\u00eb k\u00ebtij viti dhe t\u00eb cilat jan\u00eb ende n\u00eb fuqi, n\u00eb K\u00ebshill kan\u00eb th\u00ebn\u00eb se ato jan\u00eb t\u00eb p\u00ebrkohshme dhe mund t\u00eb hiqen kur Kosova t\u2019i p\u00ebrmbush\u00eb kushtet e caktuara<\/h2>\n
Ministrat e vendeve an\u00ebtare t\u00eb Bashkimit Evropian (BE) kan\u00eb miratuar t\u00eb mart\u00ebn, gjat\u00eb takimit t\u00eb K\u00ebshillit t\u00eb \u00c7\u00ebshtjeve t\u00eb P\u00ebrgjithshme, pakon e zgjerimit dhe konkluzat kushtuar k\u00ebtij procesi.<\/p>\n
<\/div>\n

N\u00ebp\u00ebrmjet tyre u \u00ebsht\u00eb b\u00ebr\u00eb ftes\u00eb vendeve kandidate dhe atyre kandidate potenciale p\u00ebr an\u00ebtar\u00ebsim n\u00eb BE q\u00eb ta vazhdojn\u00eb procesin e reformave, sidomos n\u00eb fush\u00ebn e sundimit t\u00eb ligjit, p\u00ebr t\u00eb avancuar n\u00eb procesin e integrimeve evropiane.<\/p>\n

\n

P\u00ebrkitazi me pjes\u00ebn e konkluzave kushtuar Kosov\u00ebs dhe Serbis\u00eb, t\u00eb dy vendeve u \u00ebsht\u00eb b\u00ebr\u00eb edhe nj\u00eb her\u00eb ftes\u00eb q\u00eb t\u2019i zbatojn\u00eb t\u00eb gjitha obligimet q\u00eb dalin nga marr\u00ebveshjet e dialogut t\u00eb leht\u00ebsuar nga BE-ja, pa parakushte dhe pa vonesa. Po ashtu shprehet keqardhje se nga asnj\u00ebra pal\u00eb nuk ka pasur gatishm\u00ebri deri m\u00eb tash p\u00ebr zbatimin e t\u00eb gjitha marr\u00ebveshjeve nga e kaluara.<\/p>\n

<\/div>\n

K\u00ebshilli i ka d\u00ebnuar ashp\u00ebr sulmet e dhunshme t\u00eb protestuesve serb\u00eb t\u00eb Kosov\u00ebs ndaj trupave t\u00eb KFOR-it, ndaj organeve t\u00eb rendit dhe mediave n\u00eb protest\u00ebn e 29 majit t\u00eb k\u00ebtij viti.<\/p>\n

<\/div>\n

\u201cZgjedhjet e reja n\u00eb veri t\u00eb Kosov\u00ebs duhet t\u00eb zhvillohen sa m\u00eb par\u00eb q\u00eb t\u00eb jet\u00eb e mundur dhe serb\u00ebt e Kosov\u00ebs duhet t\u00eb marrin pjes\u00eb n\u00eb to, pa asnj\u00eb parakusht. Serb\u00ebt e Kosov\u00ebs po ashtu duhet t\u00eb kthehen n\u00eb institucionet nga t\u00eb cilat jan\u00eb larguar. Kjo duhet t\u00eb leht\u00ebsohet nga Kosova dhe t\u00eb inkurajohet nga Serbia\u201d, thuhet n\u00eb tekstin e konkluzave.<\/p>\n

<\/div>\n

K\u00ebshilli pret nga Kosova dhe nga Serbia q\u00eb t\u00eb \u00e7ojn\u00eb nj\u00eb zgjidhje t\u00eb q\u00ebndrueshme p\u00ebr situat\u00ebn n\u00eb veri t\u00eb Kosov\u00ebs, e cila do t\u00eb garantonte siguri dhe demokraci p\u00ebrfaq\u00ebsuese p\u00ebr t\u00eb gjith\u00eb qytetar\u00ebt.<\/p>\n

E p\u00ebr sa u p\u00ebrket masave, t\u00eb cilat Komisioni Evropian ia ka vendosur Kosov\u00ebs q\u00eb n\u00eb ver\u00eb t\u00eb k\u00ebtij viti dhe t\u00eb cilat jan\u00eb ende n\u00eb fuqi, K\u00ebshilli ka th\u00ebn\u00eb se ato jan\u00eb t\u00eb p\u00ebrkohshme dhe mund t\u00eb hiqen kur Kosova t\u00eb p\u00ebrmbush\u00eb kushtet e caktuara.<\/p>\n

Sipas k\u00ebtyre konkluzave, nga Komisioni Evropian dhe nga p\u00ebrfaq\u00ebsuesi i Lart\u00eb p\u00ebr Politik\u00eb t\u00eb Jashtme dhe Siguri, Josep Borrell, k\u00ebrkohet q\u00eb sa m\u00eb par\u00eb e m\u00eb s\u00eb voni deri n\u00eb janar t\u00eb vitit t\u00eb ardhsh\u00ebm t\u00eb paraqesin propozim p\u00ebr ndryshimin e kritereve t\u00eb korniz\u00ebs negociuese p\u00ebr Serbin\u00eb p\u00ebr t\u00eb p\u00ebrfshir\u00eb si kusht edhe zbatimin e marr\u00ebveshjes p\u00ebr rrug\u00ebn drejt normalizimit t\u00eb raporteve me Kosov\u00ebn, n\u00eb kuad\u00ebr t\u00eb kapitullit 35 t\u00eb k\u00ebsaj kornize.<\/p>\n

P\u00ebrfshirja e k\u00ebtij obligimi p\u00ebr normalizimin e raporteve me Kosov\u00ebn n\u00eb korniz\u00ebn e negociatave t\u00eb an\u00ebtar\u00ebsimit \u00ebsht\u00eb p\u00ebrmendur shpesh nga zyrtar\u00ebt e BE-s\u00eb si nj\u00eb m\u00ebnyr\u00eb q\u00eb marr\u00ebveshja e arritur n\u00eb Bruksel gjat\u00eb muajit shkurt dhe Aneksi i implementimit, i arritur n\u00eb Oh\u00ebr, t\u00eb b\u00ebhen, si\u00e7 thuhet n\u00eb BE, \u201cligj\u00ebrisht obliguese\u201d. Por deri m\u00eb tash, Bashkimi Evropian nuk ka nd\u00ebrmarr\u00eb asnj\u00eb hap formal p\u00ebr ta b\u00ebr\u00eb nj\u00eb gj\u00eb t\u00eb till\u00eb.<\/p>\n

Shprehet gjithashtu keqardhje p\u00ebr munges\u00ebn e gatishm\u00ebris\u00eb p\u00ebr implementim nga t\u00eb dyja pal\u00ebt t\u00eb marr\u00ebveshjes dhe Aneksit, sikurse edhe t\u00eb \u00e7\u00ebshtjeve t\u00eb tjera, t\u00eb arritura n\u00eb dialog.<\/p>\n

\u201cK\u00ebrkojm\u00eb nga Kosova q\u00eb n\u00eb t\u00ebr\u00ebsi dhe pa vonesa t\u00eb tjera t\u2019i zbatoj\u00eb ato. Kjo p\u00ebrfshin edhe themelimin e Asociacionit t\u00eb komunave me shumic\u00eb serbe. K\u00ebshilli e mir\u00ebpret gatishm\u00ebrin\u00eb e Kosov\u00ebs dhe t\u00eb Serbis\u00eb p\u00ebr ta pranuar draftin e paraqitur nga leht\u00ebsuesi i BE-s\u00eb me kuptimin se pun\u00eb e m\u00ebtejme duhet t\u00eb b\u00ebhet n\u00eb baz\u00eb t\u00eb tij\u201d, thuhet n\u00eb tekstin e konkluzave.<\/p>\n

P\u00ebr zgjerimin dhe k\u00ebt\u00eb pako do t\u00eb diskutojn\u00eb edhe lider\u00ebt e BE-s\u00eb n\u00eb takimin e K\u00ebshillit Evropian, i cili do t\u00eb zhvillohet t\u00eb enjten dhe t\u00eb premten n\u00eb Bruksel. Pritet q\u00eb ata edhe ta miratojn\u00eb vendimin p\u00ebr nisjen e negociatave t\u00eb an\u00ebtar\u00ebsimit me Ukrain\u00ebn dhe me Moldavin\u00eb, si dhe nj\u00eb vendim p\u00ebr ftes\u00eb t\u00eb kusht\u00ebzuar rreth nisjes s\u00eb negociatave me Bosnj\u00eb-Hercegovin\u00ebn.<\/p>\n