{"id":6241,"date":"2023-12-16T18:47:25","date_gmt":"2023-12-16T18:47:25","guid":{"rendered":"https:\/\/used82.com\/?p=6241"},"modified":"2023-12-16T18:47:25","modified_gmt":"2023-12-16T18:47:25","slug":"shqiptareve-te-lugines-qe-jetojne-ne-kosove-u-pamundesohet-votimi-ne-serbi","status":"publish","type":"post","link":"https:\/\/used82.com\/?p=6241","title":{"rendered":"Shqiptar\u00ebve t\u00eb Lugin\u00ebs q\u00eb jetojn\u00eb n\u00eb Kosov\u00eb u pamund\u00ebsohet votimi n\u00eb Serbi"},"content":{"rendered":"

Qytetar\u00ebt nga Medvegja, Bujanoci e Preshev\u00eb, q\u00eb prej vitesh jetojn\u00eb n\u00eb Kosov\u00eb, jan\u00eb ankuar se u \u00ebsht\u00eb pamund\u00ebsuar pjes\u00ebmarrja n\u00eb zgjedhjet e s\u00eb diel\u00ebs n\u00eb Serbi, si pasoj\u00eb e pasivizimit t\u00eb adresave dhe marrjes s\u00eb dokumentacionit. E kryesuesi i Kuvendit Komunal n\u00eb Gjilan dhe kryetari i l\u00ebvizjes \u201cVatra\u201d, Kushtrim Kadriu, shpreh v\u00ebrejtjen q\u00eb megjith\u00ebse ka alarmuar p\u00ebr k\u00ebt\u00eb, \u00e7\u00ebshtja e shqiptar\u00ebve t\u00eb Lugin\u00ebs nuk \u00ebsht\u00eb ngritur asnj\u00ebher\u00eb n\u00eb dialogun e Brukselit<\/h2>\n
Shqiptar\u00ebve t\u00eb Medvegj\u00ebs, Bujanocit e Preshev\u00ebs, q\u00eb jetojn\u00eb n\u00eb Kosov\u00eb, do t\u2019u pamund\u00ebsohet votimi p\u00ebr t\u00eb zgjedhur p\u00ebrfaq\u00ebsuesit e tyre n\u00eb zgjedhjet parlamentare n\u00eb Serbi, q\u00eb do t\u00eb mbahen t\u00eb diel\u00ebn.<\/p>\n
<\/div>\n

Disa nga k\u00ebta qytetar\u00eb, q\u00eb prej vitesh jan\u00eb vendosur n\u00eb Fush\u00eb-Kosov\u00eb, theksojn\u00eb se votimi n\u00eb zgjedhje u \u00ebsht\u00eb b\u00ebr\u00eb i pamundur si pasoj\u00eb e pasivizimit t\u00eb adresave nga shteti serb.<\/p>\n

\n

Nj\u00ebri prej tyre, Rahon Pajaziti, ka th\u00ebn\u00eb se me gjith\u00eb q\u00eb bashk\u00eb me familjen posedon tok\u00eb n\u00eb Medvegj\u00eb, ai nuk figuron n\u00eb list\u00eb t\u00eb votuesve.<\/p>\n

<\/div>\n

\u201cV\u00ebllai e ka kontrolluar, nuk jemi atje hi\u00e7, kurrkund hi\u00e7 nuk jemi…. Duhet me shku, si nuk duhet me shku, pasi jemi qytetar\u00eb t\u00eb atjehit, duhet me shku… Po masi nuk kemi vendbanim, nuk kemi kurgjo, ne jemi t\u00eb shlyer prej atjehit\u201d, ka th\u00ebn\u00eb ai.<\/p>\n

<\/div>\n

E Halil Hiseni, i cili prej pes\u00eb dekadash punon n\u00eb Gjermani, e ka ardhur p\u00ebr vizit\u00eb te familja n\u00eb Fush\u00eb-Kosov\u00eb, ka th\u00ebn\u00eb se megjith\u00ebse i \u00ebsht\u00eb pasivizuar adresa e banimit n\u00eb Medvegj\u00eb, ai t\u00eb diel\u00ebn do t\u00eb shkoj\u00eb p\u00ebr t\u00eb votuar n\u00eb zgjedhjet serbe.<\/p>\n

<\/div>\n

\u201cKam ardhur tona her\u00ebt q\u00eb u dasht\u00eb me votu. Jam i fshatit Topall\u00eb, komuna e Medvegj\u00ebs. Medvegja \u00ebsht\u00eb mjerim i madh q\u00eb na kan\u00eb \u00e7lajm\u00ebruar. Edhe ata vet\u00eb kan\u00eb than\u00eb q\u00eb kemi me pru n\u00eb dy p\u00ebr qind, q\u00eb jemi kan\u00eb n\u00eb 1981, 46 p\u00ebr qind shqiptar\u00eb jan\u00eb kan\u00eb n\u00eb Medvegje. E sot nuk jan\u00eb as 2 p\u00ebr qind. Po shkojm\u00eb po votojm\u00eb, kur t\u00eb vij\u00eb koha me shku me votu si nes\u00ebr q\u00eb po mendojm\u00eb me shku, mbesim n\u00ebp\u00ebr kufi derisa t\u00eb kap\u00ebrcen vakti atje, ka ndodh, keni pa edhe vet\u00eb, s\u2019kemi \u00e7ka me than\u00eb\u201d, ka deklaruar ai.<\/p>\n

Kushtrim Kadriu, kryesues i Kuvendit Komunal n\u00eb Gjilan dhe kryetar i l\u00ebvizjes \u201cVatra\u201d, ka th\u00ebn\u00eb se q\u00eb nga viti 2005 ka alarmuar p\u00ebr pasivizimin e adresave dhe p\u00ebr marrjen e dokumenteve t\u00eb shqiptar\u00ebve t\u00eb Kosov\u00ebs lindore. Ai ka shprehur v\u00ebrejtjen se kjo \u00e7\u00ebshtje nuk \u00ebsht\u00eb ngritur asnj\u00ebher\u00eb n\u00eb dialogun e Brukselit.<\/p>\n

\u201cMendoj q\u00eb rreth 90 p\u00ebr qind e banor\u00ebve t\u00eb shp\u00ebrngulur nga Kosova lindore q\u00eb jetojn\u00eb n\u00eb Republik\u00eb t\u00eb Kosov\u00ebs jan\u00eb pasivizuar dhe dokumentet e tyre nuk jan\u00eb valide, e n\u00eb k\u00ebt\u00eb rast edhe ata nuk mund se si t\u00eb votojn\u00eb jo vet\u00ebm n\u00eb zgjedhjet parlamentare por edhe n\u00eb ato lokale dhe kan\u00eb humbur t\u00eb gjitha t\u00eb drejtat…Nuk e kan\u00eb b\u00eb nj\u00eb nga kushtet par\u00ebsore t\u00eb dialogut Kosov\u00eb-Serbi, e n\u00eb k\u00ebt\u00eb rast, kjo padrejt\u00ebsi do t\u2019ju p\u00ebrmir\u00ebsohet k\u00ebtyre qytetar\u00ebve dhe n\u00eb k\u00ebt\u00eb rast ato do t\u00eb mund t\u2019i g\u00ebzonin t\u00eb drejtat e tyre si qytetar\u00eb\u201d, ka deklaruar Kadriu.<\/p>\n

Edhe n\u00eb nj\u00eb raport t\u00eb publikuar jav\u00eb m\u00eb par\u00eb n\u00eb Beograd nga Iniciativa e Rinis\u00eb p\u00ebr t\u00eb Drejtat e Njeriut, \u00ebsht\u00eb b\u00ebr\u00eb e ditur se rreth 3 mij\u00eb e 500 shqiptar\u00eb t\u00eb Lugin\u00ebs s\u00eb Preshev\u00ebs jan\u00eb fshir\u00eb nga listat e votimit n\u00eb Serbi. Aty u theksua se pasivizimi \u00ebsht\u00eb p\u00ebrdorur si instrument politik p\u00ebr t\u00eb ndryshuar struktur\u00ebn demografike dhe etnike t\u00eb jugut t\u00eb Serbis\u00eb.<\/p>\n