{"id":7308,"date":"2024-01-08T22:13:01","date_gmt":"2024-01-08T22:13:01","guid":{"rendered":"https:\/\/used82.com\/?p=7308"},"modified":"2024-01-08T22:13:01","modified_gmt":"2024-01-08T22:13:01","slug":"kritikohet-qasja-e-bute-e-shba-se-ndaj-serbise","status":"publish","type":"post","link":"https:\/\/used82.com\/?p=7308","title":{"rendered":"Kritikohet qasja e but\u00eb e SHBA-s\u00eb ndaj Serbis\u00eb"},"content":{"rendered":"

Analist\u00eb amerikan\u00eb kan\u00eb kritikuar qasjen e administrat\u00ebs s\u00eb presidentit t\u00eb SHBA-s\u00eb, Joe Biden, ndaj presidentit t\u00eb Serbis\u00eb, Aleksand\u00ebr Vu\u00e7iq. Sipas tyre, Serbia po trajtohet me standard shum\u00eb m\u00eb t\u00eb but\u00eb nga SHBA-ja krahasuar me fqinj\u00ebt e saj n\u00eb rajon. Serbia nd\u00ebrkoh\u00eb po tenton t\u2019i jap\u00eb shtytje nj\u00eb nisme p\u00ebrmes ligjv\u00ebn\u00ebsve amerikan\u00eb, e cila do t\u2019ia ndalonte ndihmat amerikane Kosov\u00ebs deri n\u00eb \u201cp\u00ebrmbushjen e obligimeve\u201d nga marr\u00ebveshjet e Brukselit<\/h2>\n
Koh\u00ebn kur jan\u00eb shtuar z\u00ebrat q\u00eb kritikojn\u00eb qasjen amerikane n\u00eb raport me Kosov\u00ebn, Serbia po tenton q\u00eb agjendat e saj rreth Kosov\u00ebs t\u2019i shtyj\u00eb p\u00ebrmes Kongresit amerikan.<\/p>\n

Serbia deri tash nuk \u00ebsht\u00eb marr\u00eb n\u00eb p\u00ebrgjegj\u00ebsi p\u00ebr sulmin terrorist n\u00eb Banjsk\u00eb t\u00eb Zve\u00e7anit, me gjith\u00eb insistimin e Kosov\u00ebs, e nd\u00ebshkimi p\u00ebr presidentin Aleksand\u00ebr Vu\u00e7iq mungoi me gjith\u00eb dyshimet p\u00ebr vjedhje t\u00eb votave n\u00eb zgjedhjet e 17 dhjetorit.<\/p>\n

\n

Profesori amerikan, Edward Joseph, e ka quajtur gabim t\u00eb administrat\u00ebs s\u00eb Bidenit trajtimin ndaj presidentit serb, q\u00eb sipas tij \u00ebsht\u00eb m\u00eb i but\u00eb se q\u00eb duhet.<\/p>\n

\u201cPra, ne kemi nj\u00eb pabarazi n\u00eb Ballkan, ku Shtetet e Bashkuara i trajtojn\u00eb fqinj\u00ebt e Serbis\u00eb me nj\u00eb standard shum\u00eb m\u00eb t\u00eb ashp\u00ebr dhe m\u00eb t\u00eb lart\u00eb. Duhet t\u00eb theksoj q\u00eb kemi pasur dy konfrontime t\u00eb dhunshme n\u00eb Kosov\u00eb k\u00ebt\u00eb vit. Kemi pasur probleme t\u00eb mundshme n\u00eb Malin e Zi, i cili \u00ebsht\u00eb nj\u00eb aleat i NATO-s. Dhe tani brenda Qeveris\u00eb ka element\u00eb pro-rus\u00eb brenda atij aleati t\u00eb NATO-s. SHBA-ja n\u00eb thelb projekton frik\u00eb nga Beogradi, t\u00eb cil\u00ebn presidenti Vu\u00e7iq e interpreton sakt\u00eb dhe e shfryt\u00ebzon. E gjitha kjo shkon natyrisht n\u00eb dobi t\u00eb aleatit t\u00eb tij, q\u00eb \u00ebsht\u00eb Rusia\u201d, ka th\u00ebn\u00eb ai n\u00eb nj\u00eb intervist\u00eb dh\u00ebn\u00eb \u201cPBC News Weekend\u201d.<\/p>\n

Sipas profesorit amerikan, Serbia dhe Rusia vazhdojn\u00eb t\u00eb jen\u00eb n\u00eb nj\u00eb linj\u00eb.<\/p>\n

\u201cKemi nj\u00eb politik\u00eb proruse n\u00eb Beograd, t\u00eb cil\u00ebn e shohim hapur. Pra, kemi absurditetin e Shteteve t\u00eb Bashkuara, t\u00eb cilat vazhdojn\u00eb t’i sh\u00ebrbejn\u00eb presidentit Vu\u00e7iq. Dhe kemi absurditetin kur presidenti Vu\u00e7iq takohet me ambasadorin e tij t\u00eb af\u00ebrt dhe t\u00eb preferuar, ambasadorin rus, dhe ata t\u00eb dy faj\u00ebsojn\u00eb hapur SHBA-n\u00eb dhe Bashkimin Evropian p\u00ebr nxitje t\u00eb protestave, t\u00eb cilat jan\u00eb legjitime\u201d, \u00ebsht\u00eb shprehur Joseph.<\/p>\n

Edhe eksperti amerikan p\u00ebr \u00e7\u00ebshtjen e Ballkanit, Daniel Serwer, ka kritikuar qasjen e SHBA-s\u00eb n\u00eb raport me Serbin\u00eb.<\/p>\n

\u201cAmerikan\u00ebt ende pretendojn\u00eb se e kan\u00eb bindur Serbin\u00eb ta p\u00ebrqafoj\u00eb Per\u00ebndimin. Kjo \u00ebsht\u00eb p\u00ebr t\u00eb qeshur, por askush n\u00eb Uashington k\u00ebto dit\u00eb nuk d\u00ebshiron t’u thot\u00eb perandor\u00ebve t\u00eb mundsh\u00ebm se nuk kan\u00eb rroba. Ata preferojn\u00eb t\u00eb pretendojn\u00eb se marr\u00ebveshjet nga t\u00eb cilat Serbia ka hequr dor\u00eb t\u2019i n\u00ebnshkruaj\u00eb- jan\u00eb ligj\u00ebrisht t\u00eb detyrueshme\u201d, ka th\u00ebn\u00eb Serwer.<\/p>\n

Nd\u00ebrkoh\u00eb, zyrtar\u00ebt serb\u00eb q\u00eb pretendojn\u00eb se faji \u00ebsht\u00eb te Prishtina zyrtare po tentojn\u00eb q\u00eb k\u00ebt\u00eb q\u00ebndrim ta forcojn\u00eb p\u00ebrmes kongresist\u00ebve amerikan\u00eb.<\/p>\n

Muajin e kaluar kongresistja Claudia Tenney i propozoi Kongresit amerikan projektligjin, p\u00ebrmes t\u00eb cilit SHBA-ja do t\u2019ia ndalte ndihmat Kosov\u00ebs deri n\u00eb zbatimin e Marr\u00ebveshjes p\u00ebr themelimin e Asociacionit dhe largimin e nj\u00ebsive speciale nga veriu i populluar me shumic\u00eb serbe.<\/p>\n

\u201cN\u00eb vitin 2013, Bashkimi Evropian ndihmoi nd\u00ebrmjet\u00ebsimin e Marr\u00ebveshjes s\u00eb Brukselit nd\u00ebrmjet Serbis\u00eb dhe Kosov\u00ebs p\u00ebr t\u2019i zbutur tensionet mes dy vendeve. Kosova ka d\u00ebshtuar t\u00eb realizoj\u00eb shum\u00eb nga angazhimet e saj kryesore sipas marr\u00ebveshjes, si\u00e7 \u00ebsht\u00eb formimi i Asociacionit t\u00eb komunave me shumic\u00eb serbe dhe nj\u00eb forc\u00eb e unifikuar policore, t\u00eb cilat kan\u00eb mbetur t\u00eb paplot\u00ebsuara. P\u00ebrve\u00e7 k\u00ebsaj, Kosova ua ka mohuar t\u00eb drejtat e barabarta serb\u00ebve t\u00eb Kosov\u00ebs. Mosp\u00ebrmbushja e k\u00ebsaj marr\u00ebveshjeje nga ana e Kosov\u00ebs shkel normat nd\u00ebrkomb\u00ebtare dhe krijon tension dhe destabilitet n\u00eb Ballkan\u201d, shkruan n\u00eb propozimin e Tenney.<\/p>\n

Ajo u ka dh\u00ebn\u00eb z\u00eb ankesave t\u00eb vazhdueshme t\u00eb serb\u00ebve p\u00ebr kinse persekutim nga ana e qeveris\u00eb Kurti.<\/p>\n

\u201cNd\u00ebrsa jemi d\u00ebshmitar\u00eb t\u00eb shtypjes dhe diskriminimit t\u00eb vazhduesh\u00ebm ndaj serb\u00ebve t\u00eb Kosov\u00ebs p\u00ebr shkak t\u00eb d\u00ebshtimit n\u00eb zbatimin e dispozitave ky\u00e7 t\u00eb Marr\u00ebveshjes s\u00eb Brukselit t\u00eb vitit 2013, \u00ebsht\u00eb e domosdoshme q\u00eb Shtetet e Bashkuara t\u00eb marrin nj\u00eb q\u00ebndrim p\u00ebr demokracin\u00eb, paqen dhe stabilitetin n\u00eb rajon\u201d, ka th\u00ebn\u00eb kongresistja Tenney. \u201cP\u00ebrkrahja e projektligjit d\u00ebrgon mesazhin e qart\u00eb se ndihma jon\u00eb duhet t\u00eb p\u00ebrputhet me parimet e marr\u00ebveshjes s\u00eb vitit 2013 dhe ne q\u00ebndrojm\u00eb me vendosm\u00ebri kund\u00ebr veprimeve q\u00eb minojn\u00eb t\u00eb drejtat dhe mir\u00ebqenien e serb\u00ebve t\u00eb Kosov\u00ebs. Ky legjislacion pasqyron p\u00ebrkushtimin p\u00ebr t\u00eb nxitur paqen dhe p\u00ebr t\u00eb mbajtur p\u00ebrgjegj\u00ebs kryeministrin Albin Kurti dhe Qeverin\u00eb e Kosov\u00ebs\u201d.<\/p>\n

E ambasadori i Serbis\u00eb n\u00eb SHBA, Marko Gjuriq, pret q\u00eb nisma t\u00eb trajtohet n\u00eb Kongres, teksa e ka cil\u00ebsuar si mund\u00ebsi t\u00eb mir\u00eb p\u00ebr t\u2019i denoncuar veprimet e Qeveris\u00eb s\u00eb Kosov\u00ebs.<\/p>\n

\u201cD\u00ebshiroj ve\u00e7an\u00ebrisht t\u00eb t\u00ebrheq v\u00ebmendjen e publikut ton\u00eb p\u00ebr faktin se kongresistja n\u00eb propozimin e saj legjislativ ka k\u00ebrkuar t\u00ebrheqjen e menj\u00ebhershme dhe t\u00ebr\u00ebsishme t\u00eb forcave speciale t\u00eb Kurtit nga veriu i Kosov\u00ebs dhe p\u00ebrfundimin e menj\u00ebhersh\u00ebm t\u00eb persekutimit t\u00eb serb\u00ebve e shkeljen e t\u00eb drejtave t\u00eb njeriut\u201d, ka th\u00ebn\u00eb Gjuriq.<\/p>\n

Bashkimi Evropian e Shtetet e Bashkuara jan\u00eb duke k\u00ebrkuar nga Qeveria e Kosov\u00ebs q\u00eb sa m\u00eb shpejt ta themeloj\u00eb Asociacionin e komunave me shumic\u00eb serbe, mb\u00ebshtetur n\u00eb draftin e propozuar nga BE-ja.<\/p>\n

M\u00eb 21 tetor emisar\u00ebt euroamerikan\u00eb soll\u00ebn n\u00eb Prishtin\u00eb propozimin p\u00ebr draftstatutin e Asociacionit, detajet e t\u00eb cilit i jan\u00eb shpalosur vet\u00ebm Qeveris\u00eb dhe opozit\u00ebs. N\u00eb takimet q\u00eb pasuan n\u00eb Bruksel me p\u00ebrfaq\u00ebsues t\u00eb BE-s\u00eb, kryeministri Albin Kurti ishte shprehur i gatsh\u00ebm t\u00eb n\u00ebnshkruaj\u00eb \u201cmodelin evropian\u201d p\u00ebr Asociacionin, krahas dokumentit baz\u00eb dhe aneksit p\u00ebr zbatimit e tij t\u00eb arritur n\u00eb Oh\u00ebr m\u00eb 18 mars. Por presidenti i Serbis\u00eb, Aleksand\u00ebr Vu\u00e7iq, refuzoi ta b\u00ebj\u00eb k\u00ebt\u00eb. Por duke iu p\u00ebrgjigjur k\u00ebrkes\u00ebs s\u00eb Kurtit p\u00ebr n\u00ebnshkrim t\u00eb marr\u00ebveshjeve, para disa jav\u00ebsh emisari i BE-s\u00eb p\u00ebr dialogun Kosov\u00eb-Serbi, Miroslav Laj\u00e7ak tha se Asociacioni \u00ebsht\u00eb \u00e7\u00ebshtje e brendshme e Kosov\u00ebs. Si kund\u00ebrp\u00ebrgjigje, Kurti ka deklaruar se \u201cKosova do ta hartoj\u00eb vet\u00eb statutin e Asociacionit\u201d.<\/p>\n