{"id":8490,"date":"2024-01-29T06:56:14","date_gmt":"2024-01-29T06:56:14","guid":{"rendered":"https:\/\/used82.com\/?p=8490"},"modified":"2024-01-29T06:56:14","modified_gmt":"2024-01-29T06:56:14","slug":"protestuesit-kerkojne-denim-maksimal-ndaj-dy-te-dyshuarve-per-vrasjen-e-18-vjecarit","status":"publish","type":"post","link":"https:\/\/used82.com\/?p=8490","title":{"rendered":"Protestuesit k\u00ebrkojn\u00eb d\u00ebnim maksimal ndaj dy t\u00eb dyshuarve p\u00ebr vrasjen e 18-vje\u00e7arit"},"content":{"rendered":"

D\u00ebnim maksimal p\u00ebr dy t\u00eb dyshuarit p\u00ebr vrasjen e 18-vje\u00e7arit n\u00eb Podujev\u00eb kan\u00eb k\u00ebrkuar dhjet\u00ebra qytetar\u00eb t\u00eb cil\u00ebt marshuan t\u00eb diel\u00ebn n\u00eb rrug\u00ebt e qytetit. Familjar\u00ebt e t\u00eb riut than\u00eb se besojn\u00eb n\u00eb sistemin e drejt\u00ebsis\u00eb, e protestuesit e tjer\u00eb u shpreh\u00ebn skeptik\u00eb se institucionet e rendit do ta trajtojn\u00eb drejt rastin.<\/h2>\n
Nga vendi ku u rrah p\u00ebr vdekje marshuan dhjet\u00ebra qytetar\u00eb n\u00eb Podujev\u00eb duke k\u00ebrkuar drejt\u00ebsi p\u00ebr t\u00eb riun, Lul\u00ebzim Fejzullahu.<\/p>\n

D\u00ebnim maksimal p\u00ebr dy t\u00eb dyshuarit p\u00ebr vrasjen e 18-vje\u00e7arit k\u00ebrkuan protestuesit t\u00eb cil\u00ebt marshuan n\u00ebp\u00ebr rrug\u00ebt e qytetit t\u00eb Podujev\u00ebs.<\/p>\n

\n

Familjar\u00ebt e t\u00eb riut q\u00eb u vra para dy jav\u00ebsh pasi u rrah me shkop t\u00eb bejsbollit than\u00eb se besojn\u00eb n\u00eb sistemin e drejt\u00ebsis\u00eb.<\/p>\n

\u201cKjo ka ndodhur, e shpresoj\u00eb nuk i ndodh\u00eb askujt, rinia nuk \u00ebsht\u00eb e sigurt n\u00eb Kosov\u00eb. Shpresoj\u00eb q\u00eb drejt\u00ebsia e sjell rastin n\u00eb vend\u201d, ka th\u00ebn\u00eb Latif Fejzullahu, axha i viktim\u00ebs.<\/p>\n

E p\u00ebrderisa familjar\u00ebt than\u00eb se besojn\u00eb n\u00eb sistemin e drejt\u00ebsis\u00eb, disa nga pjes\u00ebmarr\u00ebsit than\u00eb se institucionet e drejt\u00ebsis\u00eb duhet t\u00eb japin p\u00ebrgjegj\u00ebsi pasi nj\u00ebri nga t\u00eb dyshuarit ka t\u00eb kaluar penale.<\/p>\n

\u201cNuk \u00ebsht\u00eb i mitur ai, n\u00ebse n\u00ebnt\u00eb raste i ka b\u00eb ai moti \u00ebsht\u00eb dasht\u00eb me qen\u00eb i izoluar dhe jo kjo t\u00eb ndodh\u00eb\u2026p\u00ebr dit\u00eb ndodhin, rrahin njer\u00ebz pas shpin\u00ebs, me bejsboll\u00eb, ka krime, ka drogirasha ka droga n\u00eb shkolla nuk i marrin ata, duhet t\u00eb largohet droga prej shkollave si n\u00eb Podujev\u00eb si n\u00eb Prishtin\u00eb. P\u00ebrderisa droga nuk hiqet nga shkollat, ne asgj\u00eb nuk presim nga kjo rini e jona\u201d, ka th\u00ebn\u00eb Af\u00ebrdita Ilazi, qytetare.<\/p>\n

\u201c\u00c7far\u00eb drejt\u00ebsie, ku ka drejt\u00ebsi k\u00ebtu. Prokuror\u00ebt q\u00eb jan\u00eb milioner\u00eb e kriminel\u00eb q\u00eb bashk\u00ebpunojn\u00eb me krimin, po prisni drejt\u00ebsi. Edhe ky reagim \u00ebsht\u00eb shum\u00eb i vog\u00ebl. Nuk e di se si munden prind\u00ebrit ose atje t\u00eb rinjt\u00eb kriminel\u00eb q\u00eb \u00e7ohen n\u00ebp\u00ebr xhamia, manipulohen, u shp\u00ebrlahet truri nuk reagojn\u00eb p\u00ebr nj\u00eb bashk\u00ebmoshatar\u00eb t\u00eb tyre, me dal dhe me ju tregu q\u00eb nuk b\u00ebn t\u00eb ushtrojn\u00eb dhun\u00eb dhe nuk duhet t\u00eb kryejn\u00eb vrasje\u201d, ka deklaruar Pajazit Jashari, qytetar.<\/p>\n

18-vje\u00e7ari ka vdekur n\u00eb Emergjenc\u00ebs e QKUK-s\u00eb disa dit\u00eb pasi ishte rrahur.<\/p>\n

Policia fillimisht e raportoi vrasje n\u00eb tentativ\u00eb dhe therje me thik\u00eb, e n\u00eb Emergjenc\u00eb konstatuan vdekjen e tij nga l\u00ebndimet n\u00eb kok\u00ebn e viktim\u00ebs, t\u00eb marra nga shkopi i bejsbollit. P\u00ebr k\u00ebt\u00eb raportim Inspektorati Policor i Kosov\u00ebs ka iniciuar hetim.<\/p>\n

Nj\u00eb dit\u00eb para mbajtjes s\u00eb protest\u00ebs, n\u00eb raportin e Policis\u00eb u raportua edhe p\u00ebr nj\u00eb vrasje n\u00eb tentativ\u00eb n\u00eb fshatin Surkish t\u00eb Podujev\u00ebs. Sipas Policis\u00eb, viktima \u00ebsht\u00eb d\u00ebrguar n\u00eb QKUK si pasoj\u00eb e l\u00ebndimeve t\u00eb r\u00ebnda trupore, nd\u00ebrsa rasti \u00ebsht\u00eb ende n\u00ebn hetime.
\n