Një ngjarje e rëndë mbrëmë tronditi tri familje shqiptare si dhe mbarë vendin. Tre të rinjtë Lordon Syla, Molos Delija dhe Nue Bibaj humbën jetën tragjikisht, siç dyshohet, gjatë një gare ilegale me vetura në autostradën “Ibrahim Rugova”, raporton Gazeta Sinjali.
Vdekjen tragjike të të rinjve tashmë e ka konfirmuar edhe Policia e Kosovës, ku siç bëhet e ditur tre të rinjtë u goditën për vdekje dhe tre të tjerë pësuan lëndime trupore nga ngasësi i një automjetit që humbi kontrollin mbi veturë.
Për këtë aksident tashmë kanë reaguar edhe disa nga familjarët e viktimave.
Familjarët e të ndjerit Lordon Syla kanë shprehur pikëllimin e tyre për humbjen e anëtarit të familjes.
“Ma kpute zemren bab, ishallah Allahu ne xhehnet”, ka shkruar prindi i Lordon Sylës.
Për vdekjen e Lordonit, ka shkruar edhe vëllai i tij.
“Lord, m’ki shkaterru bre, o Lord ndryshe i patem fjalte, s’mujta me t’rujt bre, deshtum bre dyte”, ka shkruar ai.
Tutje, familjarët kanë dhënë detaje rreth ceremonisë së funeralit, ku varrimi i të ndjerit do të bëhet sot në ora 16:00 në varrezat e fshatit Berjahë.
