Përkundër që vetëm para pak ditësh një garë me vetura përfundoi tragjikisht në Autostradën “Ibrahim Rugova”, të rinjtë po vazhdojnë me organizime të tilla. Kështu ka ndodhur edhe të hënën në rrugën “Rexhep Bislimi” në Ferizaj.

Sipas Policisë, shoferët H.A., i moshës 24-vjeçare dhe S.A., i moshës 21-vjeçare, me veturat e tyre me datën 18.12.2023 rreth orës 22:35, po bënin gara të shpejtësisë, duke rrezikuar pjesëmarrësit tjerë në komunikacion.

Ndaj tyre, policia shqiptoi gjobë kundërvajtëse sipas ligjit të komunikacionit rrugor, me dënim 150 euro dhe nga 1 pikë negative.