Prej sot Belgjika zyrtarisht ka marrë Presidencën e Këshillit të Bashkimit Evropian.
Lidhur me këtë presidentja e Kosovës, Vjosa Osmani ka uruar nëpërmjet platformës X.
Ajo ka thënë se Kosova mezi pret të punojë me partnerët e saj belgë, drejt anëtarësimit të saj në BE.
’I urojmë Belgjikës një Presidencë të suksesshme të Këshillit të BE-së! Mezi presim të punojmë ngushtë me partnerët tanë belgë në muajt e ardhshëm për të çuar përpara anëtarësimin e Kosovës në BE dhe për të përmbushur objektivat tona të përbashkëta @EU2024BE’’, ka shkruar ajo.
Belgjika, vendi në të cilin edhe ndodhet selia e Bashkimit Evropian, dhe i cili ishte i pari që kishte rolin e kryesuesit kur ky sistem u vendos, do të kryesojë për të 13 herë me radhë.