Komisioni Evropian po punon në ndryshimin e kornizës së bisedimeve me Serbinë për anëtarësimin e saj në Bashkimin Evropian, në mënyrë që në mesin e kushteve të vendoset edhe zbatimi i marrëveshjeve të arritura me Kosovën.
Zëdhënësi i Bashkimit Evropian, Peter Stano, ka deklaruar të martën se puna në këtë aspekt po vijon “në përputhje me kërkesën e vendeve anëtare.
“Puna në këtë drejtim po vazhdon në përputhje me kërkesën e vendeve anëtare”, është shprehur ai para mediave.
Shtetet anëtare të Bashkimit Evropian kanë kërkuar që të ketë ndryshim të kushteve për negociatat me Serbinë për anëtarësim në BE, pasi kryeministrja e Serbisë, Ana Bërnabiq, ka thënë se Serbia s’do t’i zbatojë të gjithë marrëveshjet me Kosovën.