By Nazmi 
Të dielën e kaluar, Policia e Kosovës kishte njoftuar përmes raportit 24 orësh për ‘rrahjen’ e 18 vjeçarit Lulzim Zejnullahut dhe arrestimin e dy të dyshuarve. Shtatë ditë më vonë 18 vjeçari ka ndërruar jetë si pasojë e lëndimeve të marra.
Raportimi zyrtar i policisë lidhur me rastin ishte skandaloz, përcjell Insajderi.
Sipas këtij raporti, rrahja me stupc e shtypja me makinë e 18 vjeçarit, tashmë të ndjerit, është minimizuar duke u cilësuar si “Therje me thikë”.
Në raport thuhet se viktima kishte lëndime që dyshohet se janë shkaktuar me thikë, derisa pamjet e publikuara dëshmojnë rrahje brutale me një stupc e shtypje me makinë.
“Viktima mashkull kosovar i mitur ka kërkuar tretman mjekësor në emergjencë pasi që ka pësuar lëndime nga i dyshuari mashkull kosovar i mitur. Lëndimet dyshohet se janë shkaktuar me thikë. I dyshuari është arrestuar dhe me vendim të prokurorit pas intervistimit është dërguar në mbajtje”, kishte njoftuar policia në raportin e 14 janarit.
Ndërsa nga video e publikuar në media, vërehet qartë se i ndjeri fillimisht ishte shtypur me makinë e më pas ishte rrahur brutalisht me një stupc.
Si ndodhi ngjarja?
Lulzim Zejnullahu, 18-vjeçar, mbeti i vdekur si pasojë e lëndimeve nga dy të dyshuar të moshës së mitur.
Fejzullahu u dërgua për trajtim në spital, pasi mori lëndime të rënda.
Tashmë i ndjeri vdiq të shtunën, pasi nuk i përballoi plagëve të marra. Në një video të shpërndarë nga mediat, Zejnullahu shihet të jetë goditur me shufër metalike pamëshirshëm nga njëri prej të dyshuarve.
