“I ka bërë lavazh truri”, kështu kanë deklaruar prindërit e 16-vjeçares që ishte prej dy vitesh e lidhur me mjekun kardiokirurg Dervish Hasi.

Në kallëzimin e tyre në polici, prindërit kanë deklaruar se vajza e tyre prej dy vitesh është lidhur me mjekun dhe ka nisur të ketë probleme shëndetësore por edhe mendore. Në këto rrethana ata i kanë kërkuar vajzës që të mos takohet më me mjekun, por ajo iu ka thënë se do vriste veten po të ndahej prej tij.

Të njëjtën kërkesë, ata ia kanë bërë edhe mjekut, por ai s’ka pranuar, duke iu thënë “se s’po bëjnë asgjë të keqe”. Prindërit thonë se përgjatë dy viteve, vajza e tyre është takuar mbi 50 herë me mjekun.

Pjesë nga dosja hetimore:

“Në Komisariatin e Policise Nr.I është paraqitur shtetasi D. D., i cili ka kallëzuar se vajza e tij e mitur, me inicialet D. D. e datalindjes 27.03.2007, prej një periudhe prej 2 vitesh ka një marrëdhënie intime me mjekun kardiokirurg Dervish Hasi. Prindërit shprehen se nuk kanë dyshime të arsyeshme nëse mjeku ka kryer mardhënie seksuale me vajzën. Të dy prindërit deklarojne se i kanë kërkuar mjekut të mos ketë asnjë marrëdhënie me vajzën e tyre dhe për shkak se vajza ka shfaqur edhe probleme shendetësore, si ato të shëndetit mendor, të dy prindërit dyshojnë se mjeku mund t’i ketë berë lavazh truri vajzës së tyre. Ata i kanë kërkuar disa herë mjekut të mos kishte me kontakte me vajzën, ndërsa vajza gjithmonë e ka refuzuar moskontaktin me mjekun, duke u shprehur se nëse do ndahej prej tij, do të vriste veten”.

Në kallzim babai i vajzës shprehet se për periudhën dyvjecare e bija mund te jetë takuar mbi pesëdhjetë herë me mjekun. Të dy prindërit kërkuan me ngulm që vajza mos të thërritet dhe mos të pyetet në polici pasi sipas tyre kjo do t’i shkaktonte trauma. Gjithashtu të dy prindërit e vajzës minorene i kanë kërkuar me ngulm mjekut Dervish Hasi të mos ketë kontakte me vajzën gjë e cila është refuzuar nga ana e mjekut me pretendimin: “S’po bëjmë asgjë të keqe”.