GJND-ja urdhëron Izraelin që të parandalojë vrasjet dhe dëmet në Gaza, s’ka armëpushim
Gjykatësja Joan Donoghue ka thënë se Izraeli duhet të sigurojë “me efekt të menjëhershëm” që forcat e tij të mos kryejnë aktet si, vrasja e palestinezëve ose shkaktimi i lëndimeve të rënda trupore ose mendore.
Gjykata ka thënë se Izraeli duhet të sigurohet që forcat e tij nuk kryejnë gjenocid dhe marrin masa për të përmirësuar situatën humanitare në Gazë.
Gjykata ka thënë se Izraeli duhet të sigurojë ruajtjen e provave të gjenocidit të supozuar.
Afrika e Jugut i pati kërkuar gjykatës armëpushim të menjëhershëm. Por, gjykata megjithëse mori parasysh shumicën e atyre që kërkoi Afrika e Jugut, nuk ka urdhëruar në mënyrë eksplicite një armëpushim. GJND-ja e ka urdhëruar Izraelin trupat e tij të mos kryejnë asnjë akt gjenocidi në Gaza.
Donoghue urdhëroi Izraelin të raportojë në gjykatë brenda një muaji. Ajo tha se duhet të merren masa për të përmirësuar situatën humanitare në Gaza.
Donoghue tha se Izraeli gjithashtu duhet të paraqesë një raport në gjykatë brenda një muaji nga ky urdhër.
GJND-ja thotë se ka juridiksion mbi rastin kundër Izraelit
Kryetarja e trupit gjykues, Joan Donoghue, ka folur për kontekstin që ka çuar në dorëzimin e padisë për gjenocid në këtë gjykatë. Ajo ka theksuar se nuk do ta rrëzojë rastin, siç ka kërkuar Izraeli.
Ajo ka folur për sulmin e 7 tetorit, ku Hamasi vrau mbi 1200 persona, plagosi e mori mbi 200 të tjerë peng, raportoi BBC.
Izraeli më pas nisi operacionin ushtarak, ka vazhduar të thotë ajo, duke shkaktuar viktima masive civile, dëme masive në Gaza dhe ka zhvendosur një shumicë të popullsisë.
Ajo theksoi se është “thellësisht e shqetësuar” nga humbjet e jetëve.
Gjykata e OKB-së sot do të vendosë për masat ndaj Izraelit pas akuzave për gjenocid
Vendimi i sotëm i GJND-së nuk do të merret me akuzën thelbësore, nëse ka ndodhur gjenocid, por do të fokusohet në ndërhyrjen urgjente që ka kërkuar Afrika e Jugut, shkruan Reuters.
Afrika e Jugut i ka kërkuar GJND-së të marrë nëntë masa urgjente, të cilat veprojnë si një urdhër ndalimi ndërsa gjykata do ta shqyrtojë çështjen në tërësi, gjë që mund të zgjasë me vite.
Ndër masat që ka kërkuar Afrika e Jugut është një ndalim i menjëhershëm i operacionit ushtarak të Izraelit, i cili ka shkatërruar pjesën më të madhe të enklavës teksa sipas autoriteteve shëndetësore në Gaza deri më tani kanë vdekur mbi 25 mijë njerëz.
Izraeli i ka kërkuar gjykatës që ta refuzojë çështjen në mënyrë të përgjithshme, teksa një zëdhënës i qeverisë izraelite të enjten deklaroi se presin që GJND-ja t’i hedhë poshtë këto akuza që sipas tij janë të rreme.
Afrika e Jugut dy javë më parë deklaroi se ofensiva ajrore dhe tokësore e Izraelit synon shkatërrimin e popullsisë në Gaza. Izraeli në vazhdimësi i kanë kundërshtuar akuzat duke thënë se e respekton ligjin ndërkombëtar dhe se kanë të drejtë të mbrohen.
Gjykata do të japë vendimin e saj në orën 13:00, në një seancë dëgjimore që pritet të zgjasë rreth një orë.