Orjana Gremi, 33-vjeçarja që hodhi foshnjen e porsalindur në lumin Kir të Shkodrës, është dënuar me 22 vite burg.
E reja u shpall fajtore për vdekjen e foshnjes dhe u dënua për veprën penale “Vrasje e të miturit”. Para dhënies së dënimit, 33-vjeçarja kërkoi mëshirë duke shfaqur pendesë të thellë për krimin e kryer.
Kujtojmë se ngjarja e rëndë që tronditi opinionin publik ka ndodhur më 5 janar 2023, 5 ditë pasi Orjana Gremi kishte sjellë në jetë foshnjën e saj. Pas daljes nga spitali, ajo e hodhi foshnjen në lumin Kir dhe u strehua te familjarët e saj në fshatin Golem, ku dhe u arrestua.
Foshnja u gjet i pajetë në lumin Kir, pasi nëna e re u tregoi dy misionareve të Kishës Katolike për atë që kishte ndodhur. Pas lindjes, Orjana Gremi kishte kërkuar dhënien për birësim të foshnjes, por më pas kishte ndryshuar mendje. Foshnja i seksit mashkull, u regjistrua në spitalin e Shkodrës pa atësi dhe nëna e tij para kryerjes së krimit kishte kryer edhe procedurat për përfitimin e bonusit të lindjes.